Националниот парк Галичица е едно од најзначајните природни богатства на Македонија, познат по својата уникатна флора и фауна. Галичица е вистински ботанички рај со над 1.600 видови растенија, од кои над 40 се балкански или локални ендемити. 
Но знаете што уште се среќава на Галичица? Lynx lynx balcanicus, или балканскиот рис – СТРОГО ЗАШТИТЕН ВИД, кој е еден од најретките и најкритично загрозените животни во Европа.
Во 2020 година, по речиси 50 години, фото-замките забележаа една единка! 
Тоа беше историски момент – доказ дека рисот повторно чекори низ шумите на Галичица! Во последните три години, рисот е забележан 12 пати. Овој редок ловец, природен регулатор на екосистемот, полека го зазема своето место.
Ако сте љубител на природата или уште подобро треил тркач, знајте дека додека ја освојувате Галичица, можеби некој тивко ве набљудува. 
Рисот е симбол на дивината, таен чувар на шумите и доказ дека природата, кога ќе ѝ се даде шанса, знае да се обнови. 
Секој тркач на Охрид Ултра-Треил 2025 во стартниот пакет ќе добие уникатна брендирана маичка Ultra Lynx - дизајнирана од тимот на Александар Чески и тимот на karas4training.com, а изработена од Реморкер!
