Изминатите 6 интересни тркачки години на патеките на Охрид Ултра-Треил и Галичица се поставија некои феноменални резултати. Од Kнигата на Рекордите ќе ги издвоиме најдобрите и се надевамне дека тоа ќе те мотивира и поттикне за твој подобар перформанс на овогодинешното 7мо издание.

Константинос Јанопулос е еден од првите и најдобрите грчки тркачи што учествуваше на нашиот настан, почнувајќи со неговиот феноменален настап уште во 2021 година, кога ја разби скратената рута OUT100K Ultra (план Б-толскио) патека. Таа година тој за првпат дојде во Охрид, постави неколку прашања и добро се распраша за рутата. Потоа, тој го истрча секој метар од патеката со прва позиција на контролните точки од почеток до крај со време од 11:44:46 / 816 ITRA поени.

Следно Константинос зеде учество на Галичица Ултра 65К во 2023 година, проследено со една од најдобрите временски прогнози што тркачите ги имаа на настанот. Тој победи на оваа трка исто така водејќи на сите контролни точки со значителна разлика и поставувајќи го машкиот рекорд на Галичица Ултра со време од 7:34:54 / 762 ITRA поени.

Го чекаме овој феноменален тркач уште еднаш на нашите трки бидејќи неговиот првичен план e да се обиде да победи на сите трки на Охрид Ултра-Треил.

Можеш ли да го стигнеш Константинос?

Излези и дознај!