Следно во нашите #RunnersStories разговараме со специјалистот за кратки патеки кои ни доаѓа од Кочани - Златко Николов. Неговиот одличен прогрес во последните години и многуте подиуми на трките беа доволен мотив да го поканиме на ова кратко интервју и да биде дел од фаворитите на ОУТ2024 - овојпат на Самотска 40К

ОУТ: Те молиме претстави се пред нашите следачи.

Здраво на сите јас сум Златко Николов имам 35 години и доаѓам од Кочани Македонија.

ОУТ: Од кога трчаш на планина и зошто?

Со планинско трчање почнав да се занимавам активно од 2018 па се до денес. Специјалност ми се кратките дистанци до 30 км.

ОУТ: Во што најмногу уживаш во планинското трчање?

Во планинското трчање најмногу уживам во погледите на далечина или кога сум опкружен со високи дрвја околу мене, тоа ме најмногу исполнува.

OUT: Дали имаш незаборавно искуство/приказна за планинското трчање да ја споделиш со нас? (или раскажи ни за твоето најголемо достигнување)

Моите најголеми достигнувања се тоа што имам освоено неколку пиедестали на трките во Македонија, меѓу кои прво место 2023 на Охрид Ултра-Треил на 22 км која ми е меѓу најдрагите.

ОУТ: Како остануваш мотивиран кога работите стануваат тешки?

Кога работите стануваат тешки обично се фокусирам на финишот и на моментите откако ќе ја поминам финиш линијата.

ОУТ: Кои се твоите најдобри три „мали нешта“ што ги правиш за да спречиш повреда?

Најдобри нешта за се спречам повреди се секако добриот одмор и не-форсирањето на тренинзите.

ОУТ: Кога би можел да им дадеш еден совет на помалку искусните тркачи на патека, кој би бил тој?

Совет кој може да да го дадам на помалку искусните е да си го слушаат телото така секогаш ќе можат да напредуваат.