Планини, медитација, чиста храна и тешки предизвици. Тоа е она што го опишува следниот тркач на списокот на Охрид Ултра-Треил овој мај. Минатата година во Истра кога за прв пат го запознавме Тео, веднаш почувствуваме вистинска и искрена, позитивна тркачка енергија. Придружете се на друштвото на овие прекрасни тркачи и трчајте помеѓу езера, облаци и планини.

ОУТ: Те молиме претстави се пред нашите следачи.

Јас сум Тео Зиаккас и доаѓам од Грција. Последните 10 години живеам во планините на северозапад и имам планински хостел таму.

Претежно трчам ултри, возам многу велосипед и во зима се занимавам со скијање. Кога не се занимавам со спорт, сакам да читам книги, да медитирам, да готвам веганска храна и да ја ценам прекрасната природа овде.

ОУТ: Од кога трчаш на планина и зошто?

Трчам од 2015 година, а во овој период трчањето претставува важен дел од мојот живот. Трчам затоа што тоа е дел од човековата природа и сакам целосно да го живеам овој живот. Трчањето ми помага да се поврзам со мојата внатрешност и со природата, да научам за неа и за себе.

Секој човек треба да трча.

ОУТ: Во што најмногу уживаш во планинското трчање?

Најмногу уживам во секој чекор што го правам и се восхитувам на природата. Најчесто таму доаѓам до некое подлабоко античко чувство кога се префрлам во природа, се сеќавам на нашите предци и се трудам да ги почувствувам духовите на шумата. Верувај ми, има многу од нив таму.

OUT: Дали имаш незаборавно искуство/приказна за планинското трчање да ја споделиш со нас? (или раскажи ни за твоето најголемо достигнување)

Трчањето секој ден е ново искуство, исто така и натпреварувањето. Моето „најголемо“ достигнување е 9-тото место минатата година на трката УТМБ Истра 100 милји, но најважен ми е личниот проект што го направив со моите пријатели последните две години овде во Грција, „Патеката на змејовите“ авантура долга 110 километри. со вкупна висина од 8000м, преминувајќи ги 3-те големи планини во Грција 'Грамос 2520 - Смоликас 2637 - Тимфи 2497'. Овој проект е за заштита на природата од ветерните турбини и се трудиме да им ги прикажеме проблемите на луѓето.

ОУТ: Како остануваш мотивиран кога работите стануваат тешки?

Мотивацијата ја наоѓам во многу работи, главно се трудам да останам дисциплиниран, а со дисциплината доаѓа и мотивацијата. Ултра трчањето е груба работа за телото и умот, но се трудам да останам балансиран помеѓу натпреварувањето, здравјето и уживањето во трчањето што за мене е најважно.

ОУТ: Кои се твоите најдобри три „мали нешта“ што ги правиш за да спречиш повреда?

Моите топ три мали нешта се: 

• Во 9 во кревет
• Медитација
• Здрава храна и силов тренинг

ОУТ: Кога би можел да им дадеш еден совет на помалку искусните тркачи на патека, кој би бил тој?

Мој совет е, правете го она од што најмногу се плашите и учите од секоја ситница.

Ви благодарам!