Ви треба мотивација да продолжите да трчате во планина? Прочитајте ја приказната за Елена и бидете инспирирани за да ѝ се придружите на стартната линија на Охрид Ултра-Треил 2023! 

ОУТ: Те молиме претстави се пред нашите следачи.
ЕР: Јас се викам Елена Ртоска, и јас сум страстна планинска тркачка и софтвер девелопер од прекрасната земја Македонија. Кога не пишувам код, можете да ме најдете како газам по козјите патеките, ги поместувам моите граници и уживам во прекрасните глетки што ги нуди природата. Возбудена сум што можам да го споделам моето патување со вас и да ве инспирирам да ми се придружите на стартната линија на ОУТ23!

ОУТ: Колку долго трчаш? (зошто трчаш)
ЕР: Активно трчам по планини од 2017. За мене, планинското трчање нуди шанса да избегам од метежот и вревата на секојдневието и да се поврзам со природата. Не се работи само за физичките придобивки, иако тие се секако важни. Станува збор и за менталните и емоционалните придобивки од поминувањето време на отворено и доживувањето на убавината на планините. Така накратко, трчам затоа што тоа е добро за моето тело, ум и душа.

ОУТ: Во што најмногу уживаш во планинското трчање?
ЕР: Во трејл трчањето, особено во скај (небесното) трчање, уживам во прекрасните глетки проследени со технички терен, како и во амбиенталната средина што ја нуди планината.

ОУТ: Дали имаш незаборавно искуство/приказна за планинското трчање да ја споделиш со нас? (или раскажи ни за твоето најголемо достигнување)
ЕР: Секое трчање, без разлика дали е тренинг или трка, е исполнето со интересни спомени. Секако, како поголемо достигнување, би ги истакнала светските и европските првенства во скај ранинг во Пиринеите и Алпите, UTMB-OCC и Истра во кои постигнав индивидуални резултати и подиум, како и националните првенства во Skyrunning и планинско трчање на кое сум учествувала, како и многу други достигнувања од меѓународни и локални трки. 

ОУТ: Како остануваш мотивирана кога работите стануваат тешки?
ЕР: Тешките моменти се дел од играта и секогаш одат заедно со задоволствата. Од таа причина, мојата мотивација останува висока во тие моменти. Духот на настаните, енергијата на пријателите и околината во планините ја одржуваат мојата мотивација во тешкиte моменти.

ОУТ: Кои се твоите најдобри три „мали нешта“ што ги правиш за да спречиш повреда?
ЕР: Квалитетен сон, контролиран и прилагоден тренинг и здрава исхрана. 

ОУТ: Кога би можела да им дадеш само еден совет на помалку искусните тркачи, кој би бил тој?
ЕР: Слушајте ги сигналите на вашето тело и одржувајте конзистентност во тренингот.

Елена имаше неверојатна приказна за споделување и дефинитивно многу корисни совети. Доколку сакате да видите и слушнете повеќе од неа, слободно проверете го нејзиниот ITRA profile , Facebook page , Instagram profile.

photo credits: Antonio Karanfiloski & Jakub Stryk